На Грција не и’ е доволен ни вториот пакет помош
25 февруари 2012
Претходно, германскиот министер за финансии Волфганг Шојбле изјави дека гласањето во германскиот парламент в понеделник (27.02.) веројатно нема да биде и последно гласање на пратениците околу финансика помош за Грција. Претседателот на Европската комисија Жозе Мануел Барозо застана во одбрана на начинот на кој се постапува и спасот на евро-државите во криза. Во Хамбург Барозо изјави дека секој друг начин е прескап и преопасен.
Американскиот претседател Барак Обама го поздрави напредокот во борбата против должничката криза во Европа, но подвлече дека останува уште многу работа. По средбата со данската премиерка Хеле Торнинг-Шмит во Вашингтон, Обама рече: „Единствени сме во ставот дека е постигнат напредок што се однесува до договорите меѓу ЕУ, ММФ и Грција. Новите влади во Италија, Шпанија, Португалија, направија важен напредок, но останува уште многу работа“.
Автор: ЕМФ/дв/ртр/афп
Редактор: Аександар Методијев