Намалена казната за Навални

Со денешната пресуда практично беше прифатена жалбата на Навални и на неговиот соработник Петр Офицеров, на пресудата донесена на 18. јули годинава. Тие беа осудени поради финансиски малверзации во државната компанија Кировљес.

По донесувањето на пресудата Навални беше приведен, по што следуваа протести на неговите поддржувачи во Москва. Судот, следниот ден, донесе одлука дека тој како кандидат има право да учествува во политичката борба за градоначалник на Москва и го пушти на слобода, со одложување на извршувањето на казната.

Аналитичарите тогаш оценија дека власта на тој начин му овозможила на старо-новиот градоначалник Сергеј Собјањин да има конкурент во изборната кампања.

По денешната одлука на судот, Навални изјави дека со неа не запира политичката борба.

„Ние покажавме дека можеме да извршиме силно влијание врз власта. Треба да се продолжи со неа за да бидат ослободени оние кои седат во затворите од политички причини“, рече Навални.