Мора да се заштити демократијата во Либан
22 ноември 2006Генералниот секретар на ОН Кофи Анан , , американскиот претседател Џорџ Буш и британскиот премиер Тони Блер се само дел од светските лидери кои упатија жестока осуда за убиството на Џемајел , министер во либанската влада од редовите на христијанското малцинство и јасно анти-сириски ориентиран политичар. Тие изразија загриженост за состојбата во Либан , и побараа да се стори се за заштита на стабилноста на оваа земја . Британскиот премиер притоа истакна :
„ Жестоко Го осудувам ова убиство , кое е без какво било опревдување . Треба да сториме се што можеме , особено во овој момент за да ја заштитиме демократијата во Либан и владата на премиерот Фуад Сињора“
Американскиот претседател Џорџ Буш покрај жестоката осуда ги обвини Сирија и Иран дека се обидуваат да го дестабилизираат Либан . Тој меѓутоа одбегна да ги посочи двете земји како директно одговорни за убиството на Џемајел:
„ Ние ја подржуваме владата на Сињора и нејзината демократија и ја подржуваме желбата на Либанците да живеат во мир. Ги подржуваме и нивните напори да ја бранат својата демократија воочи обидите на Сирија , Иран и нивните сојузници во Либан , да предизвикаат нестабилност и насилство во земјата„
Министерот Џемајел , член на христијанската партија Фаланга и син на поранешниот либански претседател Амин Џемајел , беше убиен вчера во едно предградие на Бејрут . Тој беше жесток критичар на Сирија која многу Либанци ја сметаат и за одговорна за убиството на поранешниот либански премиер Рафик Харири во февруари минатата година .
Убиството на Џемајел предизвика и немири во Либан , Во повеќе градови во земјата биле уништени возилата на про-сириски политичари.
Лидерот на владејачката коалиција во либанскиот парламент Саад харирир , син на убиениот поранешен премиер , истотака посочи кон Сирија како одговорна за убиството на Пјер Џемајел
„Денеска , еден од главните луѓе , кои веруваат во слободен и демократски Либан беше убиен. И ние веруваме дека трагите на Сирија се насекаде околу овој атентат“- истакна Харири , кој го обвини дамаск дека сака по секоја цена да го одвлече вниманието и да го спречи формирањето на Меѓународниот трибунал за разјаснување на убиството на неговиот татко , со оглед дека високи сириски претставници се обвинети дека се вмешани во него.
Советтот за безбедност на ОН меѓутоа синоќа се согласи околу основањето на еден таков суд . Инаку либанската влада во изминативе недели се наоѓа во криза откако неколку просириски и министри од редовите на радикалното исламистичко движење Хезболах, кое истотака е во блиски врски со властите во Дамаск, дадоа оставки спротиставувајќи се на подршката која владата на Фуад Сињора ја даде за овој меѓународен Трибунал .