1. Прескокни до содржината
  2. Прескокни до главната навигација
  3. Кон други страници на DW

Медијаторот Нимиц во Македонија

6 јули 2009

Преговарачот на ОН Метју Нимиц од денеска започнува нова рунда преговори со властите во Македонија и Грција за изнаоѓање решение за повеќегодишниот спор меѓу двете земји околу уставното име на Република Македонија.

https://p.dw.com/p/Ihq3
Метју НимицФотографија: Macedonian Information Agency

Специјалниот посредник на Обединетите нации во спорот за името меѓу Македонија и Грција Метју Нимиц денеска (06.07.09) ќе пристигне во Скопје. Предвидено е Нимиц да се сретне со претседателот Ѓорге Иванов, со премиерот Никола Груевски и со министерот за надворешни работи Антонио Милошоски.

По Скопје, Нимиц ќе отпатува за Атина, каде ќе биде примен од министерката за надворешни работи Дора Бакојани и од преговарачот Адемантиос Василакис, јавуваат грчките медиуми.

Реакција на МАНУ

Во Скопје не стивнуваат реакциите во научните кругови. МАНУ со соопштение минатата недела одговори на група американско-канадски историчари, кои од претседателот Обама побараа да ја преиспита одлуката за признавање на Македонија под уставното име. Македонија и македонскиот јазик се реалност и никој не може да го ускрати правото на самоопределување, напишаа македонските академици.

Автор: АТ/АЧ/миа