Македонците од ноќеска во Србија само со лична карта

При посетата на полициската бригада во Белград, Дачиќ најави дека со македонскиот министер за внатрешни работи Гордана Јанкуловска се усогласиле претходно потпишаниот договор да стапи на сила пред вообичаената размена на дипломатски ноти.

Дачиќ објасни дека ова првенствено се прави со цел непречено патување на македонските навивачи на Европското првенство во ракомет, во чии рамки Македонија настапува во Ниш. Реципроцитетно, влез со лична карта ќе им е овозможен и на српските граѓани во Македонија.

Дачиќ посочи дека слични иницијативи предложил и до Хрватска и Албанија.

Автор: ЖА/ макфакс

Редактор: Александра Трајковска