Мадона побара слобода за музичарките од Пуси Рајот

Во судот во Москва денеска треба да се оддржат завршните пледоаеја во процесот против трите членки на панк бендот Пуси Рајот. Постои можност судот веќе и да ја изрече пресудата против трите жени на возраст од 22 до 29 години. Државното обвинителство побара три годишни затворски казни поради непочитување на општествените норми и поттикнување верска омраза. Со протестот против рускиот претседател Владимир Путин во московската катедрала тие ги повредиле чувствата на верниците, смета обвинителството. Одбраната бара ослободителна пресуда.

Американската поп ѕвезда Мадона се заложи за ослободување на трите руски музичарки. Уште при пристигнувањето на московскиот аеродром таа побара благост за музичарките. „Тие го заслужуваат правото да бидат слободни“, извика потоа Мадона пред нејзините фанови на концертот во Москва. „Се молам за вашата слобода“, дополни Мадона. Поп ѕвездата денеска треба да настапи во Санкт Петерзбург, а поддржувачите на руската православна црква побараа од властите да го откажат концертот на Мадона.

Арија Алјокина (24), Надежда Толоконикова (22) и Екатерина Самучевич (29) пред олтарот на главната московска катедрала, на 21. февруари ја изведоа својата „панк молитва“, повикувајќи ја Богородица да го отстрани Владимир Путин од Русија.