1. Прескокни до содржината
  2. Прескокни до главната навигација
  3. Кон други страници на DW

Лидерскaта средба без решение околу изборот на идниот претседател на државата

Горан Чутаноски25 септември 2008

Следниот четврток ќе се одржи нова лидерска средба во Скопје. На денешната претседателите на четирите најголеми паритии изразија резерви кон владиниот предлог за намалување на цензусот за избор на идниот претседател.

https://p.dw.com/p/FP2A
Македонскиот премиер Никола ГруевскиФотографија: MIA

Премиерот и лидер на владеачката ВМРО-ДМПНЕ, Никола Груевски, изјави дека на денешната средба биле отворени прашањата за уставните измени и измените на Изборниот законик, при што биле изнесени првичните мислења на партиите. Груевски по средбата нагласи дека треба да се побрза со донесувањето на Изборниот законик, бидејќи тоа е една од осумте основни точки т.н. „бенчмарк“ што ЕУ и’ ги зададе на Македонија како задача, доколку сака да добие термин за почеток на преговорите. Според Груевски тука спаѓаат и измените на Уставот, бидејќи изборите за нов претседател на Македонија треба да се одржат веќе во март наредната година. Потребата од укинување на цензусот од 50% Премиерот го појасни со фактот што тој бил причина за многу неправилности на досегашните избори, факт што бил нотиран и од ОБСЕ во извештајот за Претседателските избори во 2004.

Законот за амнестија не бил тема на разговори

Ali Ahmeti, Mazedonien
Лидерот на помалиот коалиционен партнер ДУИ, Али АхметиФотографија: Petar Stojanovski

Лидерите на четирите партии ги одбегнаа коментарите за внатре- владиниот судир околу Законот за амнестија, поврзани со прашањето дали со него се опфатени сите случаи на воени злодела од припадниците на поранешна ОНА.

Во парламентот за вечерва е одложена седницата на Комисијата за имунитетски прашања, на која треба да се реши дали ќе му се одземе мандатот на пратеникот на ДУИ Хисеин Џемаили, осомничен за учество во случајот „Мавровски работници“ од 2001. Вториот пратеник на ДУИ, за кого требаше да расправа Комисијата, Талат Џафери, во меѓувреме вети дека ќе излезе на суд и нема да се повикува на пратеничкиот имунитет. И Џафери и Џемаили се членови на Комисијата.

Опозиционата ДПА, пак, поднесе инцијатива за собраниско толкување на примената на Законот за амнестија.