Крцкање на бисквитите: Висока технологија во прехранбената индустрија
Млеко, кое трае со недели, природата всушност не создаде. Но, човекот го направи тоа. Тој истражува, како прехранбените производи да се прилагодат на неговите потреби - на пример со помош на нови технологии.
Ѝ увото јаде
Да изгледа убаво, да биде вкусно и пред сѐ да звучи крцкаво - еден бисквит треба да ги привлече сите сетила. За индивидуалниот звук на кексот се грижи лично производителот на бисквити. Слично како и при креирањето на звуците на моторот на скапите автомобили, тие со специјални апарати го бараат перфектниот звук за кексите.
Млеко во прав во чоколадото
Начинот на производство на млеко во прав придонесува за вкусот на чоколадото. Правот имено може да се суши на разчични начини, на пример на ваљак. При тоа се создава т.н. Мајард-реакција која придонесува за помалку карамелизиран вкус. Тоа е истата реакција која го дава убавиот вкус на месото на скара или корките на лебот. Научниците до денес ја испитуваат оваа реакција.
Продолжениот живот на млекото
Порано, по три, четири денови во фрижидер млекото се расипуваше. Денес има млеко кое и при собна температура издржува со недели. Но, тоа сепак губи од вкусот. Кај т.н. ЕСЛ млеко (Extended Shelf Life) е поинаку: со тополотен шок млекото се стерилизира, по што може да остане свежо во фрижидерот и до три недели и покрај тоа целосно да го зачува вкусот.
Јогурт од јагоди без јагоди?
На пакувањето може да се видат јагоди, но во јогуртот нема јагоди. Парченцата, кои изгледаат на овошен плод честопати се остатоци од сокови или грутки зголемени со алги. Природната овошна арома на јогуртот може да се добие, на пример, преку култури со мувла. Розевата боја? Ах, таа не е од јагодите, туку од цвекло.
Јаболка преку целата година
Цела година има јаболка од регионот - имено научниците пронајдоа дека доколку бидат правилно складирани поспоро зреат. За био-јаболката кои не смеат да бидат прскани се применува друга метода: По бербата кратко се потопуваат во топла вода, за да се уништат габите на кората. Така тие ги зачувуваат витамините и имаат вкус и во зима.
Дизајнирана земичка
Земичките од супермаркет имаат перфектна форма и долг рок на траење. Хајтек-ензими, значи белковини, кои се произведени од габи и бактерии и може да бидат генетски променети, го овозможуваат перфектниот стајлинг на земичките. Уште околу 200 други состојки се употребуваат во мешавината за печење. Вкусот на дизајнираните лепчиња меѓутоа е дискутабилна работа.
Плескавица од инкубатор
Салами, шунка, мелено месо - за сите овие производи треба да се заколат животни. Со модерната техника меѓутоа во меѓувреме може да се произведат прехранбени производи, кои имаат вкус на месо, но имаа 100 процентно растително потекло. Во САД тие веќе можат да се најдат во супермаркет. Научниците годинава пронајдоа уште една техника: Од матични клетки од говедо произведоа плескавица.
Добро грозје за добро вино
За добро вино е потребно квалитетно грозје. За да се олесни селекцијата, германските научници развија постројка која го сортира грозјето - добрите зрна завршуваат во вино, а лошите во кошница.