Критичарите на Мурси не попуштаат
10 декември 2012Реклама
Египетската опозиција и натаму го отрфла референдумот за спорниот нацрт- устав и за утре (11.12) повика на нови масовни протести за да се сопре референдумот за уставот. Најголемиот опозициски сојуз, либерално-секуларниот Фронт за национален спас соопшти: „Ние не го признаваме нацрт-уставот бидејќи тој не ја отсликува волјата на египетскиот народ“, изјави портпарол на Фронтот за национален спас Самех Ачур во Каиро.
Уставот беше усвоен со мнозинството на исламистите. Претседателот Мохамед Мурси останува на ставот, на 15. декември да се одржи референдум за уставот во земјата. Муслиманското братство исто така за утре повика на демонстрации за поддршка на претседателот.