Крвав напад во Најроби
11 март 2012
Кениската полиција за нападот ја обвинува радикално-исламистичката Шабаб-милиција од Сомалија. „Се работи за кукавичко дело, извршено од страна на Шабаб“, изјави портпаролот на полицијата Чарлс Овино.
Шабаб-милицијата контролира голем дел од централниот и јужниот дел на Сомалија. Кенија во октомври минатата година испрати трупи во Сомалија за борба против Шабаб, откако осомничени членови на ова движење киднапираа повеќемина странски државјани во Кенија и ги однесоа во Сомалија. По ова, радикално-исламистичката милиција се закани со одмазднички акти во Кенија.
Инаку, Шабаб-милицијата веќе пет години во Сомалија се бори против преодната влада, која има поддршка од меѓународната заедница. Таа е одговорна за голем број крвави напади. Сомалија веќе 21 година нема влада која функционира како што треба. Актуелната влада и покрај воената поддршка од страна на африканската воена мисија, како и од страна на етиопските сили, контролира само мал дел од земјата.
Автор: ЕМФ/ЖА/дпа/афп/епд
Редактор: Ж. Ацеска