Коштуница: новиот предлог на Ишингер неприфатлив

Српскиот премиер Воислав Коштуница изјави дека Србија нема да го прифати новиот предлог на ЕУ претставникот во Тројката, Волфганг Ишингер за неутрален статус на Косово. Според него тоа е само поинакво име за независност. Коштуница оцени дека е време меѓународните претставници за предложат решение со кое ќе се почитува територијалниот суверенитет на Србија. Агенцијата БЕТА објави дека евродипломатот Хавиер Солана и Ишингер денеска во Брисел ќе ги разгледуваат иницијативите кои посредничката Тројка ќе им ги понуди на двете страни на продолжението во преговорите закажано за 20 ноември.