Конгресот на Комунистичката партија на Кина избра нов Централен Комитет
14 ноември 2012
Со заклучоците на Конгресот на Комунистичката партија на Кина официјално е започната првата промена на врвното раководството на партијата но и на државата по цели десет години. Меѓу 200-те новоизбрани членови на Централниот Комитет се и потпретседателот на Кина Си Јинпинг и потпретседателот на владата Ли Кечианг.
Во четврток Централниот Комитет треба да го избере новиот состав на најважното политичко тело во земјата, Политбирото како и Постојаниот комитет на Политбирото. Се очекува Си Јинпинг најнапред да го наследи претседателот Ху Џинтао како шеф на партијата. Во март наредната година Си треба да ја преземе и функцијата на шеф на државата. Ли Кечианг пак важи за наследник на премиерот Вен Џиабао. Ново раководство истотака треба да остане на функцијата за период од десет години.