Кампување во фабричка хала
19 октомври 2013Има ли нешто поубаво за еден кампер од седењето пред сопствената приколка? Да се ужива во мир и прекрасен поглед. И сето тоа без бодежи од комарци. Среде Бон, во една стара магацинска хала, има посебен камп.
„Предноста е во тоа што при лошо време сепак можам да уживам во кампинг атмосфера без да морам да се кријам во некој шатор или куќичка.“
Бејскамп - така се вика местото за кампување со 15 историски камп приколки. Ниту една не наликува на друга. Дизајнерката Марион Сеул една година собирала мебел и други реквизити.
„Кај овие приколки постојат две групи кои се преферираат. Од една страна тоа се девојчиња, кои се поистоветуваат со оваа розова и сребрена боја. Од друга страна, тоа се возрасни мажи кои ја сакаат оваа приколка, бидејќи и ним им се тие бои атрактивни.“, вели Марион Сеул.
Едно ноќевање за едно лице чини 30 евра. „Мојата омилена приколка се вика Наутилус. Тоа е класика од Холандија и е сочувана речиси во оригинална состојба. Тоа е многу мала приколка и повеќе е наменета за оние, кои навистина многу се сакаат.“, вели Марион.
Хотелски стандарди
Потоа има уште и летување како некогаш во Германската Демократска Република: шатор врз Трабантот. Има и камп-приколка наменета за групи, но и една луксузна варијанта: дизајнерска класика од САД со многу место внатре и дури и бања.
„Внимавме на тоа хигиенскиот стадард навистина да биде како во хотелите. Тоа значи дека на креветите има нови душеци, хотелска постелнина, но и хотелски сервис.“, објаснува Марион Сеул.
Појадокот е вклучен во цената. А патиштата во магацинот од едно до друго место се ионака куси. Камперот Матијас е задоволен: „И кога надвор паѓа дожд, тука моите нозе можат да останат суви кога одам во санитарните простории, на туширање или во бања. Тоа е прекрасно.“
Семејството на на Петра Тембринк истовремено изнајми две приколки - една за децата, друга за родителите. „Мојот сопруг не‘ донесе тука, претходно ништо не знаевме. Едноставно е прекрасно, толку е убаво наместено, секоја приколка одделно, тука може да се откријат многу работи.“, вели Петра.
Порано во халата имало магацин за козметика - денес ова место е рај за љубителите на кампувањето. Со прекрасен поглед, без разлика дали е лето или зима.