И ракометарките ќе играат на ЕП во Србија

Европката ракометна страница (ЕХФ) одлуката за доделување на организацијата на ЕП 2012 во женски ракомет на Србија ја објави на својата интернет страница.

Кандидатура имаше поднесено и Македонија, но и Хрватска, Данска, Исланд, Норвешка, Полска, Романија, Русија, Словачка и Шведска, па сепак се одлучи во соседна Србија, во декември годинава, да се игра и женскиот континентален шампионат.

Европскиот шампионат ќе се одржи во истите градови, како и машкиот, и тоа во Белград, Ниш, Вршац и Нови Сад. Најверојатно Македонија повторно ќе игра во Ниш.

„Среќен сум што се враќаме во Србија, затоа што имавме одличен машки шампионат и очекувам и женскиот да биде исто така успешен. Имаше голем интерес од многу национални федерации за организација и тешко беше да се решиме кој да ја добие организацијата“, рече Тор Лиан.

Исланд влезе на ЕП на местото на Холандија, која откако се откажа од организацијата го загуби и автоматскиот пласман.

Македонија ќе ги добие противниците на ЕП во Србија во петок во 18 часот, на ждрепката во Монако.