Ишингер вели дека атмосферата на преговорите за Косово е подобра
6 октомври 2007Реклама
Првата директна средба на српската и албанската страна во преговорите за Косово во Њујорк била поотворена, а атмосферата подобра, изјави вчера европскиот претставник во Тројката на Контакт групата, Волфганг Ишингер. Поднесувајќи го во Брисел извештајот до амбасадорите во Комитетот за политика и безбедност, Ишингер рече дека тројката сега ќе настојува да издејствува двете страни да им пријдат на преговорите покреативно. Според него, по средбите во Лондон и Њујорк, може да има причина за подобро чувство кога се во прашање изгледите на преговорите за идниот статус на Косово.