1. Прескокни до содржината
  2. Прескокни до главната навигација
  3. Кон други страници на DW

301111 GB 3 Iran

30 ноември 2011

По инцидентот во нејзината амбасада во Техеран, Велика Британија повлекува дел од персоналот. Остри критики дојдоа и од Германија, која се солидаризира со Велика Баританија.

https://p.dw.com/p/13JVm
Вчерашниот инцидент ги заостри односите меѓу Иран и ЗападотФотографија: FARS

Демонстранти кои го симнуваат знамето од покривот на британската амбасада, го уништуваат портретот на Кралицата Елизабета, кршат и палат, а сето тоа неспречено од полицијата. Британската влада е огорчена.

„Иранското раководство е одговорно што недоволно ја штитеше нашата амбасада. Ова потфрлување нема да остане без последици“.

Иранското министерство за надворешни работи изрази жалење за инцидентот. Британците се сомневаат дека насилниот напад бил толериран или организиран од режимот во Техеран, како одмазда за воведените санкции поради атомската програма.

Bundesaußenminister Guido Westerwelle Porträt
Првиот дипломат на Германија, Гидо ВестервелеФотографија: picture-alliance/dpa

Техеран се изолира уште повеќе во меѓународни рамки.

„Тоа што демонстрантите упаднаа и можеа да ја запалат амбасадата, покажува дека иранската влада не ги сфаќа сериозно меѓународните обврски“.

Протестираше и Германија. Министерот за надворешни работи Гидо Вестервеле го повика иранскиот амбасадор во Берлин и му порача:

„Најостро го осудуваме кршењето на меѓународното право во било која форма. Се солидаризираме со Британија како Европејци“.

Нападот врз амбасадата дополнително го заостри конфликтот меѓу Иран и Западот.

Автор: Јанжки/Драјсиг/Ж. Ацеска

Редактор: Горан Чутаноски