Ирак – заложници - видео порака
17 март 2007Реклама
Најблиските на двајцата грабнати германски граѓани во Ирак упатија видео порака до киднаперите со молба да ги пуштат на слобода Ханелоре Краузе и нејзиниот син. Во пораката зборува сопругот на Краузе, професорот Мохамед ал Торнахи и неговата снаа, сопругата на синот. Тие ги молат грабнувачите да се однесуваат со почит и достоинство кон заложниците и молат за милост во име на Алах:
“Во име на Алах, милостивиот им се обраќаме на луѓето од Бригадите стрели на вистината.“
Професорот Торнахи нагласува дека исламот е религија на мирот и милостивоста. Неодамна до киднаперите со видео порака се обрати и германскиот претседател Хорст Келер.