Израел ја прогласи Газа за „непријателски ентитет“
19 септември 2007Реклама
Израелскиот безбедносен кабинет денеска го прогласи за „непријателски ентитет“ појасот Газа, кој е под директна контрола на радикалното движење Хамас. Сега Израел може да го прекине снабдувањето со вода, струја и гориво во појасот. Одлуката следи по зачестените гранатирања врз израелска територија од Газа. За Хамас ова е објавување на војна. На Блискиот Исток инаку денеска доаѓа американската министерка за надворешни Кондолиза Рајс која со израелската и палестинската страна треба да ги договори деталите околу планираната Блискоисточна мировна конференција.