Израел прифаќа продолжување на преговорите

Израелските власти синоќа соопштија дека сакаат продолжување на преговорите со умерените арапски држави околу постигање на мировен договор на Блискиот исток. Како што се наведува во соопштението од израелското министерство за надворешни работи, Израел се надева дека самитот во Ријад ќе придонесе кон таквите напори. Претходно лидерите на Арапската лига на самитот во Ријад го поддржаа мировниот план за окончување на повеќедеценискиот судир со Израел, но предупредија од можниот бран насилства ако планот пропадне. Мировниот план инаку предвидува признавање на државата Израел ако израелската војска се повлече од палестинските територии окупирани во 1967 година.