Израел и милитантите од Газа се договорија за примирје
13 март 2012Смирувањето на состојбата доаѓа откако Египет соопшти дека посредувал во договорот за прекин на огнот, по четиридневните судири. Палестинската група изјави дека е подготвена да го почитува примирјето, ако Израел запре со агресијата.
„Го прифаќаме прекинот на огнот, ако Израел се согласи да го примени со ставање крај на неговата агресија и убиствата“, порача Дауд Шехаб од групата Исламистички џихад.
Од изралското министерство за внатрешна безбедност излегоа со оценка – „последното избивање на насилство се чини е зад нас“. Од министерството информираа и дека Израел не изведува воени напади по 1 часот по полноќ. Во исто време две ракети биле испукани на израелска територија, но во инцидентот нема повредени.
Во насилството, што изби во петокот, загинаа 25 Палестинци. Еден милон Израелци, пак, беа постојано вознемирувани, бидејќи често се вклучуваа сирените кои предупредуваа од опасност.
Автор: Александар Методијев /АТ/ап/афп
Редактор: Симе Недевски