Израел е предмет на критики во светот поради рестрикциите за Газа
30 октомври 2007Реклама
Израелската влада е предмет на големи критики во светот поради одлуката да ја редуцира испораката на гориво и енергија за Палестинците во појасот Газа. Генералниот секретар на ОН, Бан Ки Мун, изјави дека оваа мерка ја влошува состојбата на луѓето во тој регион и е неприфатлива. Постапката на Израел ја критикуваа и ЕУ и Русија. Владата на Израел ги отфрла критиките и укажува на тоа дека и натаму се испорачуваат лекови и прехранбени намирници. По серија ракетни напади од палестинска територија, Израел во неделата донесе одлука за редукција на горивото, а најави дека ќе има редукција и на испораката на електрична енергија.