Изгаснат пламенот на платформата на „Тотал“

Пламенот на платформата на француската компанија „Тотал“ во Северното Море, која беше евакуирана поради истекување на гас, е изгаснат и опасноста од експлозија е отстранета", изјави денеска портпарол на „Тотал“.

„Можам да потврдам дека огнот е изгаснат, изјави портпаролот во шкотскиот град Абердин, на 240 километри од платформата.

Според друг извор, огнот се изгаснал самиот од себе, како и што се очекувало.

Огнот на стотина метри од изворот на гас, што се појави пре дшест дена на платформата „Елгин“, предизвика загриженост за опасност од голема експлозија, доколку го зафати и гасот кој истекува.

Платформата на која работеа над 200 лица, беше целосно евакуирана во понеделникот и властите означија забранета зона до шкотското крајбрежје.