Законот за отказ во Франција ќе биде спроведен
13 март 2006Реклама
Францускиот премиер Доминик де Вилпен најави дека ќе го спроведе во пракса донесениот закон за продолжување на приправничкиот статус за младите вработени, наспроти бројните протести ширум земјата. Според законот претпријатијата ќе можат да ги отпуштаат приправниците без обврски кон нив дури до две години по приемот на работното место. Во знак на протест против предвидените мерки на владата, протести имаше во повеќе француски градови, а неколку стотини студенти се забарикадираа и во познатиот универзитет Сорбона. На викендот полицијата насилно ја растури протестната манифестација, на што студентите најавија нови масовни протести в четврток.