Завршува самитот во Брно

Во чешкиот град Брно денеска се завршува самитот на шефови на дражвите од централна, источна и јужна Европа. Главна тема на денешниот ден од самитот е иднината на Европа и перспективите на европските интеграции на земјите кои не се членки на ЕУ. Македонскиот претседател Бранко Црвенковски, денеска ќе го одржи излагањето кое беше закажано за вчера. Црвенковски во својот говор ќе побара целосна либерализација на визниот режим за Македонија. Црвенковски очекува и дека проширувањето на ЦЕФТА ќе придонесе кон развој и јакнење на економиите на Балканот.