Зависности во глобалното село
20 април 2008„Акра не е форум на кој што се склучуваат договори и на кој се донесуваат конечни заклучоци. Но, конференцијата е од многу големо значење токму поради времето во кое се одржува, а кое е решавачко за донесување решенија кои ќе ги дадат натамошните насоки. Тоа се однесува како на мултилатералните трговски договори, така и на менаџирањето со актуелните краткорочни кризи, кои потоа на среден рок имаат влијание врз меѓународниот економски систем и реформите на меѓународните финансиски институции.“
Детлеф Коте е раководител на одделот за макро-економски и развојно-политички стратегии во Унктад. Конференцијата на ОН за трговија и развој, Унктад, смета дека последиците од глобализацијата и проблемот на регулативен трговско-политички и финансиско-политички систем се централни прашања на глобалната иднина. Конечно, вели Коте, факторите на глобализацијата се тие што доведоа до актуелната криза со животни намирници во светот: „Справувањето со актуелната криза ќе игра важна улога во многу дебати. На пример, имаме тркалезна маса која се занимава со проблемите на глобализација и нејзиното повратно влијание врз социјалните услови, сиромаштијата и.т.н. Од актуелната криза со животни намирници се гледа дека ниту една земја сама не може да го реши проблемот, туку е тоа меѓународен проблем кој е условен делумно од глобализацијата и делумно од напорите да се влијае врз промените на климата. “
Производоството на биогориво што се форсира, а според експертите, ќе придонесе за огромно зголемување на цените на прехранбените намирници во глобални рамки. Организацијата за храна и земјоделство на ОН, ФАО, објави дека цените на прехранбените намирници во 2007 година просечно се зголемиле за цели 40%.