Есенска прогноза

Германскиот министер за економија Волфганг Клемент овие прогнози ги оцени како доказ за продолженото конјунктурно заздравување во Германија, додека опозицијата и стопанските сојузи реагираа воздражно, со барања за натамошни реформи. Идната година нема да биде лоша, велат водечките институти во есенскиот извештај. Но, тоа наликува на принуден оптимизам зашто реалниот бруто-поризвод треба да порасне за 1,5 насто, по 1,8 во оваа година. Само берлинскиот институт дојде до бројката од 2 насто. Удо Лудвиг од институт во Хале вели:

“Економската политика со агендата 2010 посебно со усвоената реформа за пазарот за работа и во подрачјето на социјалното осигурување постави основи во вистинска насока. Меѓутоа, не треба да се очекуваат брзи успеси се додека реформите не го развијат во целост своето влијание“.

Голема непозната е и останува цената на нафтата. Експертите меѓутоа се надеваат, како што објаснува Аксел Линднер од инситутот во Хале:

“Институтите очекуваат цената на нафтата полека да се намалува и до крајот на идната година да достигне 37 долари за барел“.