1. Прескокни до содржината
  2. Прескокни до главната навигација
  3. Кон други страници на DW

ЕК загрижена поради пречките за светската трговија

ЕМФ/афп2 септември 2013

Европската комисија изрази загриженост поради пречките со кои се соочува светската трговија. Протекционизмот е тема на самитот на Групата 20 во Санкт Петербург, што почнува в четврток (05.09).

https://p.dw.com/p/19aDy
Фотографија: picture-alliance/dpa

Во текот на изминатата година се воведени 150 нови трговски ограничувања, а укинати се само 18 од постоечките пречки за светската трговија, се вели во извештајот на Европската Комисија, објавен денеска (02.09) во Брисел.

„Вознемирува тоа што постојано се воведуваат нови мерки со кои се ограничува трговското работење, а практично не се укинува ниедна“, изјави еврокомесарот за трговија Карел Де Гухт.

Трговскиот протекционизам е на дневен ред на самитот на Групата 20 на најважните индустриски земји и земји во забрзан подем што почнува в четврток во Санкт Петербург. Притоа, на масата ќе седат и претставници на земји како Русија, Бразил, Аргентина и Индонезија, кои во извештајот на Европската Комисија се означени како лоши примери.

Containerterminal Hamburg
Фотографија: AP

Откако ЕК во октомври 2008 година почна да ги надгледува трговските ограничувања, таа регистрираше 700 нови мерки. Трендот во последните две години е во опаѓање, „но се преземаат постојано нови вознемирувачки чекори кои многу ја попречуваат трговијата“, се вели во извештајот на ЕК. Притоа, покрај царините, се наведуваат и принудата на користење домашни производи, што е случај на пример при јавни набавки, или поттик на извозот на домашните претпријатија.