Експлозии во Триполи

Од безбедносни извори се вели дека едната од експлозиите се случила во близина на станот на премиерот на заминување Наџиб Микати. Тој, како што велат негови соработници, во моментот на експлозијата не се наоѓал во станот. Втората експлозија пак се случила во близина на станот на поранешниот шеф на полицијата Ашра Рифи.

Нападите кои, според претпоставките, биле координирани, се случиле на крајот на петочната молитва пред две џамии во градот, во кој мнозинство се сунитите.

Во Триполи постојано има крвави конфликти меѓу сунитите, кои главно ги поддржуваат бунтовниците во соседна Сирја и алавитите, кои се на страната на сирискиот претседател Башар ал-Асад. Минатата недела, во предградие на Бејрут, контролирано од шиитски Хезболах, во голема експлозија загинаа 24 луѓе.