„Евтин“ Ајфон треба да ја освои Кина

Со новиот апарат Епл има намера да ги убеди кинеските муштерии. Заштитната обвивка е во боја, а телефоните се со редуцирани можности и поевтини. Сепак, многумина се и покрај тоа разочарани од цената. Студентот Лиу Донгхаи од Пекинг вели:

„Очекував новиот 5Ц да чини околу три илјади јуани. Сега гледам дека чини над 4 илјади јуани. Мислам дека за редуцирана верзија тоа е многу.“

Кина е најголем светски пазар за смартфони. Но токму тука Епл бележи загуби. Самсунг води со своите поевтини апарати, а во меѓувреме се етаблираа и кинеските марки.

На пример - Шаоуми. Фирмата постои од пред три години, но нејзиниот млад основач е веќе милијардер и третиран е како кинески одговор на Стив Џобс. Шаун Реин од Групата за истражување на кинескиот пазар, оценува:

„Епл веќе не е кул нештото што дваесетгодишниците сакаат да го имаат по секоја цена. Имиџот на марката е во голем пад. Младите Кинези сега ги сакаат кинеските марки како Шаоуми или дури и Леново.“

Зашто, тие се значително поевтини, а ги имаат речиси истите можности. Епл ќе мора да се потруди многу за во Кина повторно да освои простор.