Еврогрупата и‘ постави ултиматум на Грција
9 октомври 2012Еврогрупата и‘ даде на Грција рок од десет дена да ги спроведе договорените мерки. До 18. октомври „Грција би морала јасно и веродостојно да демонстрира силна волја за целосно спроведување на програмата“, изјави шефот на Еврогрупата Жан Клод Јункер по средбата на министрите за финансии на Еврогрупата во Луксембург.
Исплаќањето на последната транша беше блокирано во јуни од кредиторите, во очекување на прифаќање на новите мерки за буџетско штедење.
Меѓународните доверители, Меѓународниот монетарен фонд, Комисијата на ЕУ и Европската централна банка во моментов ги проверуваат реформските чекори на Грција. Од извештајот на „тројката“ зависи дали зејмата ќе ја добие следната транша помош во висина од 31 милијарди евра. Во поинаков случај на Грција повторно и‘ се заканува банкрот. Грчкиот премиер Андонис Самарас неодамна призна дека неговата земја нема да издржи до крајот на ноември без новата финансиска помош.