1. Прескокни до содржината
  2. Прескокни до главната навигација
  3. Кон други страници на DW

Дипломатско решение за Сирија е се’уште можно

АТ/ миа/ афп/ дапд10 декември 2012

Специјалниот пратеник на Обединетите нации и на Арапската лига за Сирија Лахдар Брахими оценува дека е можно да се најде излез за кризата во Сирија.

https://p.dw.com/p/16yxs
Фотографија: Reuters

Политичко решение на конфликтот во Сирија е можно, сметаат владите на САД и Русија. Специјалниот пратеник на Обединетите нации и на Арапската лига за Сирија Лахдар Брахими по вчерашната средба во Женева со замениците министри на двете земји изјави дека е постигната согласност оти се’ уште постои можност за пронаоѓање на политичко решение за кризата во земјата.

„Средбата беше конструктивна и се одржа во амтосфера на соработка. На неа беа разгледани начините за забрзување на мировниот процес и за мобилизирање на пошироки меѓународни дејствија во корист за политичко решавање на сириската криза“, изјави Брахими во соопштението по разговорите.

Рускиот министер за надворешни работи Сергеј Лавров претходно изјави дека експертската средба во Женева, која се водеше на ниво на заменици-министри за надворешни работи, е „плоден разговор на кој немаше поставување на услови или ултиматуми“. Лавров нагласи дека Русија не води никакви преговори за судбината на сирискиот претседател Башар ал Асад. Русија инаку се согласи на разговорите во Женева, доколку не бидат поставувани услови за оставка на сирискиот властодржец.

Во граѓанската војна во Сирија, според проценките досега се убиени околу 40.000 луѓе.