Денеска пресуда за Шкорпионите

Денеска во 12 часот во оркужниот суд во Белград треба да им биде изречена пресудата на петтемина обвинети од паравоената формација Шкорпиони за убиство на Бошњаци во Трново во 1995 година. Тие се обвинети за стрелање на шестмина муслимани од Сребреница кое се случило на 16 или 17 јули таа година. Процесот против нив започна кога летото 2005 година во хашкиот процес против поранешниот српски претседател Слободан Милошевиќ, беше емитувана видео снимка на која се гледа егзекуцијата на жртвите. Само еден од обвинетите го призна делото и изрази каење за постапката.