Демонстрации во Хонг Конг

На крајот сепак имаше загрижувачки минути пред конференциската сала во Хонг Конг . Една група кореански противници на глобализацијата се обиде да ги пробие полициските блокади , за да продре во зградата каде што се одржува министерската конференција на Светската Трговска Организација. Притоа дојде до кошкаше , но изостанаа поголеми нереди.

Притоа Ким Ги Чеол од кореанското земјоделско здружение КАФФ уште изутрината го потенцираше мирниот карактер на корејските демонстранти:

„Хонг Конг е мирно место и преставува центар на светската трговија . Ние не сакаме насилство тука . Ние само сакаме да го потенцираме нашето мислење пред светот . Не треба да се грижите дека тука ќе се случат насилства“

На почетокот на конференцијата генералниот секретар Паскал Лами уште еднаш се обиде да прошири оптимизам . Тој уште еднаш ги нагласи предностите на слободната трговија во светот.

Но претставниците на земјите во развој и противниците на глобализацијата кои се собраа во Хонг Конг гледаат на тоа сосема поинаку. Меѓу нив е и Кристина Деквирт од невладината организација Светска економија , екологија и развој ВЕЕД.

Нејзината организација е присутна во Хонг Конг како дел од мрежата наречена „Од Сиетл до Брисел “ , составена од повеќе европски невладини организации кои го критикуваат влијанието кое врз СТО го имаат големите светски концерни:

„ Ние сакаме пред се да ја направиме попретпазлива улогата на ЕУ , затоа што во Брисел има многу лобисти на концерните кои се директно вклучени во формулирањето на трговската политика.

ЕУ не е пријателска суперсила ниту актер во овие разговори кое е птијателски настроен кон развојот, туку еден мошне агресивен актер пред се во разговорите околу услужните дејности , кои во Хонг Конг се наоѓаат на врвот од агендата .

Наредните неколку денови ќе покажат дали на мамутутската конференција на светската трговска организација може да дојде до компромис меѓу риндустриски развиените и земјите во развој . Шансите за такво нешто меѓутоа се многу мали.