Демонстрации во САД против војната во Ирaк

Повеќе десетици илјади луѓе во САД демонстрираа против војната во Ирак. Протести имаше и во Њујорк, Лос Анџелес, Чикаго, Сан Франциско, Бостон и Сиетл. Учесниците бараа веднаш да заврши војната во Ирак и да се вратат сите американски војници. Се зголемија и повиците за покренување на постапка за разрешување на претседателот Џорџ Буш од функцијата. Министерството за одбрана на САД, според сопствени извори секој месец троши 9,2 милијарди долари за ангажманот во Ирак. Од почетокот на интервенцијата во март 2003 година загинаа 3.800 американски војници.