Грчки европратеник гласал за почеток на пристапните преговори на Македонија со ЕУ
25 мај 2013Реклама
Европскиот парламент во четвртокот (23.05) во Стразбур изгласа резолуција со која уште еднаш јасно се побара од Советот на Европската унија да и додели без одлагање, датум за почеток на преговорите на Република Македонија во јуни годинава. За резолуцијата предложена од Британецот Ричард Хауит, гласаа 505 европратреници, 61 беа против и 31 воздржани. Меѓу оние кои гласале за бил и грчкиот европратеник од парламентарната група на Зелените, Никос Хрисогелос,
Групата на Зелените во ЕП во четвртокот ја поддржа препораката на Европската комисија, додека во исто време сите грчки европратеници остро се спротивставија на европската перспектива на Скопје, јавуваат грчките медиуми а пренесува македонската новинска агенција МИА.