1. Прескокни до содржината
  2. Прескокни до главната навигација
  3. Кон други страници на DW

Грците жртвуваат многу, вели Самарас

Б. Георгиевски/афп8 јануари 2013

Грчкиот премиер Андонис Самарас ја уверуваше германската канцеларка Ангела Меркел дека неговиот народ „жртвува многу“ за да излезе од должничката криза и да ја врати довербата на пазарите.

https://p.dw.com/p/17Fr4
Фотографија: John Macdougall/AFP/Getty Images

Самарас, кој во Берлин учествува на бизнис конференција, пред средбата со Меркел изјави дека неговата земја ги имплементира клучните реформи и покрај тоа што најголемиот товар паѓа врз грбот на обичниот народ.

„Сакам да појаснам дека нашата земја презема огромни напори, кој што оди рака под рака со огромни жртвувања, за да се вратиме на вистинскиот колосек“.

„Сакаме да го вратиме кредибилитетот и кај другите народи во Европа и на пазарите“.

Самарас истакна дека се преземаат „серија систематски мерки“ кои ќе гарантираат „обезбедување на ликвидност, што е основа за секоја здрава економија“.

„Тоа се, заедно со инвестициите, двата клучни елементи за нашата земја- земја која многу страда, пред се’ во однос на невработеноста и тоа кај младите луѓе“, рече Самарас.

Економски раст и работни места

Меркел најави дека со Самарас ќе дискутираат за напредокот на Грција во фискалната политика.

„Заинтересирана сум да слушнам за напредокот во имплементацијата на реформите во Грција, а од друга страна да информирам каква економска состојба очекуваме ние во Германија, затоа што и ние мораме да сториме се’ што можеме за да обезбедиме економски пораст и работни места“, рече Меркел.

Griechenland Proteste Merkel-Besuch
Фотографија: picture-alliance/dpa

Меркел стана омразена фигура во Грција поради инсистирањето за кратења во буџетот во замена за помош од ЕУ, а и самата се соочи со насилни протести во Атина за време на нејзината последна посета во октомври минатата година.

Минатиот месец лидерите на ЕУ се согласија да одобрат дополнителни 49 милијарди евра помош за Грција во замена за нови мерки за штедење. Досега, Грција веќе доби помош во износ од 34 милијарди евра и се надева на уште 9,2 милијарди до крајот на месецов, доколку ги спроведе фискалните реформи.