Груевски во Брисел

Македонија предвреме ќе го заврши комплетирањето на законите согласно задачите што произлегуваат од Акциониот план за партенрство со ЕУ, изјави денеска во Брисел македонскиот премиер Никола Груевски. Груевски на разговорите со високиот преставник за надворешна политика и безбедност на ЕУ, Хавиер Солана и еврокомесарот за проширување Оли Рен, реферираше за постигнатите резулати во реформскиот процес во земјата. Според изјавите на Груевски, Солана упатил честитка за успешно водените разговори со ДУИ и нејзиното враќање во парламентот.