Голема воена операција против Талибанците

Во заедничката операција на трупите на анти-терористичката коалиција предводена од САД и на авганистанската армија биле убиени повеќе од 70 Талибанци. Борбите се одвивале во провинциите Хелманд и Кандахар . Особено жестоки судири имало во областа Муса Кала која е под контрола на Талибанците од февруари годинава. Во меѓувреме претставник на меѓународните заштитни трупи ИСАФ соопшти дека во борбите и во еден напад во јужен Авганистан загинале двајца војници на ИСАФ а уште двајца биле повредени.