Годишнина од смртта на папата Јован Павле втори
3 април 2006“Тој е во нашите мисли и нашите срца и и натаму ни ја пренесува неговата љубов кон бога и кон луѓетп“, рече од својот прозорец на плоштадот Свети Петар, патата Бенедикт 16-ти. Тој додаде: “Јован Павле им ја доближи на луѓето вредноста на животот дури и во моментите кога беше слаб и кога му се приближуваше крајот. Храбро и се спротивстави на болеста и не направи посвесни за човековата болка. На страдањето му даде достоинство и вредност“., говореше пред илајдниците верници меѓу морето свеќи, папата Бенедикт 16-ти потсетувајќи се на својот претходник.
На полските верници кои допатуваа во Рим, тој им се обрати на полски, а неговата порака беше во живо пренесувана во Полска, каде токму во часот на смртта на Јован Павле биеја камбаните, а беа одржани и голем број богослужби. “Токму во овие моменти тој ја доживуваше последната фаза од својот аџилак на земјата, аџилак на вера, љубов и надеж...“...кој остави длабока трага во историјата на црквата и човештвото“, рече папата Бенедикт.
Големиот број аџии се залагаат за прогласување на Јован Павле втори за светец што е можно побргу. Кон нивните желби се приклучуваат и германските кардинали. Келнскиот кардинал, Јоахим Мајснер, дава поддршка на ваквите барања, а минхенскиот надбискуп, Фридрих Ветер, го истакнува сеуште постоечкото дејство на мисионерската сила на Јован Павле втори. Според него, претходниот папа бил адвокат на слободата, мирот, праведноста и човековото достоинство.
Само неколку месеци по смртта на претходниот папа, католичката црква отвори постапка за негово прогласување за блажен, што е претчекор на прогласувањето за светец. Бенедикт 16-ти рече:
“Сие ние сакаме да му се заблагодариме на бога за овој голем човек и заштитник на црквата.“