Германски топ десет
6 декември 20101. Over the Rainbow - Israel "Iz" Kamakawiwo'ole
На врвот на Германскиот топ 10 веќе дванаесет недели се наоѓа хавајскиот музичар Israel Kamakawiwole. Тој, инаку, почина во 1997 година, а познат е по своето укулеле и мешањето на повеќе музички жанрови. Песната Over The Rainbow е искористена во многу филмови и телевизиски продукции.
2. We Are The People - Empire Of The Sun
Австралијанското дуо Empire Of The Sun бележи континуирано искачување на германската сингловска листа, а песната стана популарна благодарение на тоа што е искористена во телевизиска реклама. Меѓутоа, успехот можеби се должи и на тоа што синглот, кој првично беше достапен само во електронска форма, во меѓувреме е издаден и во ЦД-формат.
3. Barbra Streisand - Duck Sauce
Искачување неделава бележат Duck Sauce. За снимањето на спотот за песната Barbra Streisand тие испратиле барање до менаџерите на пејачката и актерка, во која побарале таа самата да се појави во него. Меѓутоа, Barbra никогаш не одговорила на таа понуда.
4. Winter - Unheilig (новитет)
Winter или Зима е насловот на најновиот сингл на Unheilig, кој пред неколку месеци ги освои листите во Германија со темата Geboren um zu leben. И двата сингла се преземени од исто така успешниот албум, Große Freiheit.
5. Just The Way You Are - Bruno Mars
Минатата недела Bruno Mars беше највисоко пласиран новитет на Германскиот топ 10 на втората позиција - неделава се спушта за 3 места. Неговото вистинско име е Peter Hernandez, а како што самиот изјави, својот музички талент делумно и` го должи и на својата татковина Хаваите.
6. Only Girl (In The World) - Rihanna
По врската со Chris Brown, која заврши со модрици по лицето на Rihanna, пејачката сега е во среќна врска со кошаркарот Matt Kemp. Katy Perry, која инаку е блиска пријателка на Rihanna, дури изјави дека може да се шпекулира за венчавка и свадба.
7. The Time (Dirty Bit) - Black Eyed Peas (новитет)
Black Eyed Peas се враќаат со нов сингл и нов албум. По последното студиско остварување The E.N.D., бендот го крсти новиот албум The Beginning. Албумот делумно е повторно продуциран од David Guetta.
8. Halt Dich An Mir Fest - Revolverheld Feat. Marta Jandová (новитет)
Соработката меѓу Revolverhead и Marta Jandova не е случајна. Jandova e вокал во групата Die Happy, која досега во повеќе наврати има работено заедно со Revolverhead и ги поврзува тесно пријателство. Меѓу другото, пред пет години Revolverhead настапија како предгрупа на турнејата на Die Happy.
9. Raise Your Glass - Pink
Во едно неодамнешно интервју, пејачката Pink откри дека како мала се тепала со другите деца, почнала да пуши на девет години, а на петнаесет избегала од дома. Меѓутоа, токму тој див период од животот најмногу и` недостасува на идната мајка. Pink и нејзиниот сопруг очекуваат принова кон средината на следната година.
10. I Need A Dollar - Aloe Blacc
Со ретро-соул звукот, застапен на албумот Good Things, Аloe Blacc e вистински наследник на Marvin Gaye, Donny Hathaway или Bobby Womack, сметаат критичарите. Германските фанови ќе можат да гов видат во живо на крајот од март на концерт во Келн и Берлин.
На следната страница ви ги претставуваме десетте најпродавани албуми.
1. Progress - Take That (новитет)
2. Grosse Freiheit - Unheilig
3. Glück - Adoro
4. The Promise - Bruce Springsteen
5. Greatest Hits... So Far - Pink
6. Schwerelos - Andrea Berg
7. Loud - Rihanna
8. Rock Symphonies - David Garrett
9. Catching Rays On Giant - Alphaville (новитет)
10. Some Kind Of Trouble - James Blunt
Автор: Трајче Тосев / Media Control GfK
Редактор: Симе Недевски