Германски топ десет
28 јуни 2010
1. Shakira feat. Freshlyground - Waka Waka (This Time For Africa)
Waka waka (This time for Africa) е официјалната песна на СП, која ја пее Колумбијанката Шакира, поради што некои Јужноафриканци се налутија. Домаќините се пожалија дека имаат одлични домашни пејачи, и попусто е дури и фактот дека придружниот бенд Freshlyground е од Јужноафриканската Република. Светската фудбалска федерација ФИФА не ангажира Африканец за официјалната химна на СП, но сепак заработувачката од песната беше донирана за кампањата „20 центри за 2010“, со која низ цела Африка треба да се отворат 20 здравствени, образовни и фудбалски центри на „Фудбал за надеж“ („Football for Hope“).
2. K'NAAN - Wavin' Flag
3. Velile & Safri Duo - Helele
4. Katy Perry feat. Snoop Dogg - California Gurls
Се чини дека омилена тема за која пее Katy Perry се девојките - по големиот успех што го постигна со деби синглот I Kissed A Girl, сега се враќа со California Gurls, првиот сингл од новиот албум. „Од песната ќе ви се стопат сладоледите“, ветува Katy Perry.
5. Lena Meyer-Landrut - Satellite
Само неколку недели по германската победа на Lena на Евровизија, во Келн почнува снимањето на новата телевизиска серија со наслов „Лена - љубовта на мојот живот“. Иако содржината на серијата многу потсетува на животот на германската претставничка, продуцентите велат дека всушност се работи за преработка на аргентинска телевизиска серија, со слична содржина.
6. Bushido feat. Kay One - Fackeln im Wind 2010
Ова е песната што германската фудбалска репрезентација наводно ја слушала пред секој натпревар. Раперот Buschido пред извесно време се запознал со репрезентативецот Sami Khedira и од нивното спонтано дружење се родила химната на германската фудбалска репрезентација.
7. Madcon - Glow
8. Unheilig - Geboren um zu leben
9. Monrose - Like A Lady
Monrose е уште еден германски бенд кој произлезе од разните шоуа за таленти, но за големо изненадување, тие успејаа да се етаблираат на германската музичка сцена. Like A Lady е првиот сингл од нивниот четврти студиски албум, насловен Ladylike.
10. Kylie Minogue - All The Lovers
Синглот All The Lovers бил еден од последните кои биле напишани за новиот албум на Kylie, насловен Afrodite, а кој треба да излезе во продажба на 2 јули. „Уште при самото снимање на песната, знаев дека токму неа сакам да ја издадам како прв сингл, бидејќи совршено ја пренесува поентата на албумот“, истакнува австралијанската пејачка.
Автор: Media Control GfK / ТТ
Редактор: Александра Трајковска