1. Прескокни до содржината
  2. Прескокни до главната навигација
  3. Кон други страници на DW

Германија и САД сакаат да склучат договор за спречување шпионажа

ЕМФ/ртр12 август 2013

Германија и САД сакаат да склучат договор со кој ќе се исклучи можност за меѓусебно шпионирање. САД веќе и‘ понудиле на Германија склучување на „No-Spy“-договор, изјави шефот на кабинетот на канцеларката Роналд Пофала.

https://p.dw.com/p/19OEH
Фотографија: Getty Images

По вонредната седница на парламентарната Комисија за контрола на работењето на тајните служби, шефот на кабинетот на Ангела Меркел, Роналд Пофала (на фотографијата) изјави дека со самото тоа што е дадена понуда за договор за спречување шпионаша од страна на САД се докажува дека Американците не го кршат германското право. „Ваква понуда не можеше никогаш да биде дадена доколку изјавите на Американците дека се држат до правото и законите во Германија не одговараа на вистината“, нагласи Пофала денеска (12.08) во Берлин.

Тој истовремено објасни дека американската тајна служба НСА дала писмена потврда дека се држи до правото и законите во Германија. Освен тоа, НСА и британската тајна служба соопштиле дека во Германија немало општо прислушување и надгледување на податоците. „Обвинувањето за тотално надгледување во Германија, по она што го наведоа НСА, британската служба и нашите тајни служби, е тргнато од дневен ред“, изјави Пофала, додавајќи: „Во Германија не се случило повредување на основните права во милиони случаи, како што постојано се тврди погрешно.“