Во Македонија од следната учебна година задолжително средно образование

Македонското собрание ги донесе измените на законот со кои сега се предвидува и задолжително средно образование од учебната 2008/2009 година. За гласаа 60 пратеника, а опозицијата се воздржа од гласање. Со измените во законот за средно образование се предвидуваат и казнени, но и стимулативни мерки. Според законот, родителите кои нема да ги запишат децата во средно училиште ќе платат казна од 1000 евра, а за нередовност на децата е предвидена казна од 800 евра. Опозицијата критикуваше дека тие не се против задолжително средно образование, но дека владиниот проект е лошо осмислен, избрзан и неприменлив.