Властите во Бангладеш стравуваат од голем број настрадани од „Сидр“

Властите во Бангладеш објавија дека бројот официјално настрадани во циклонот “Сидр“ се искачи на 1070, но се стравува дека конечната бројка настрадани ќе достигне неколку илјади. Стотици луѓе се уште се водат како исчезнати. Во природната катастрофа се уништени огромен број куќи, а 3,2 милиони луѓе се евакуирани. Хеликоптери постојано ги надлетуваат настраданите подрачја и исфрлаат храна и лекови за преживеаните. ОН, САД и ЕУ одобрија итна финаниска и хуманитарна помош за Бангладеш.