Власта во Каиро попушта под меѓународниот притисок
31 декември 2011Според информациите од Вашингтон, американската амбасадорка во Каиро добила уверување од Воениот совет дека вакви рации во иднина нема да бидат вршени. Властите вфетиле и дека ќе го вратат запленетиот материјал при претресот на просториите на невладините организации. Во рацијата кај 17 невладини египетски и странски организации беше опфатено и бирото на германската фондација Конрад Аденауер. Германската влада поради тоа го повика египетскиот амбасадор во Берлин на разговор. Нему недвосмисленому било пренесено дека е неприфатливо попречувањето на работата на фондацијата. Високиот претставник на ЕУ за надворешна политика Кетрин Ештон во Брисел изјави дека случајот претставува демонстрација на сила против цивилното општетсво. ОН претресот го оценија како обид за заплашување на активистите за заштита на човековите права.
Автор: ЖА/дв
Редактор: Александра Трајковска