Берлин – изложба на импресионисти

Германскиот претседател Хорст Келер вчера во Берлин ја отвори изложбата со дела на француските импресионисти позајмени од Метрополитан музејот во Њујорк. На изложбата можат да се видат дела на Сезан, Моне, Гоген и други големи мајстори. За нивните револуционерни дела од 19. век кураторот на изложбата Ангела Шнајдер изјави:

“Сликите стануваат полесни, со повеќе бои и со помалку сенки... и немаат повеќе темна подлога. Тие се повеќе свртени кон животот и помалку се патетични.“

На изложбата што ќе трае до 7 октомври се очекуваат повеќе од половина милион посетители.