Белград предлага пет теми за директни преговори со Приштина

Лидерите на косовските Албанци денеска во Лондон ќе се сретнат со меѓународните претставници за да го презентираат својот став за идниот статус на Косово. Нема алтернатива за независноста и сметам дека тој процес ќе се заврши наскоро, изјави косовскиот претседател Сејдију пред денешните преговори. Меѓународните претсатвници вчера се сретнаа и со српскиот преговарачки тим синоќа. Српската страна од своја страна предложи пет теми на за директни преговори меѓу Белград и Приштина, соопшти српскиот министер за Косово и Метохија Слободан Самарџиќ. Меѓу нив се постигнување меѓународен договор за идниот статус на Косово како и конкурентна поделба на надлежностите меѓу Србија и Косово. Предложено е да се разговара и за економските прашања.

Директните преговори се закажани за 28 септември во Њујорк.