Барселона пред тежок испит против Челзи
24 април 2012На „Камп Ноу“ во Барселона вечерва се игра првиот реванш полуфинален натпревар од Лигата на шампионите. Европскиот шампион Барселона го пречекува лондонски Челзи и ќе се обиде да ја надополни разликата од првиот дуел. Пред шест дена во Лондон Челзи победи со 1:0, со голот на Дидие Дрогба. Поради повреда е неизвесно дали тој ќе настапи вечерва.
Кај гостите поради повреда нема да игра Давид Луиз, додека кај „каталонците“ ќе ги нема подолго време отсутните Давид Виља и Ерик Абидал.
Почетокот на натпреварот е во 20 часот и 45 минути. Второто полуфинале ќе се одигра исто така во Шпанија. Утревечер во Мадрид, Реал го пречекува тимот на Бајерн Минхен, а германската екипа има предност од 2:1 од првиот дуел.
Финалето ќе се одигра на 19 мај на „Алијанц Арената“ во Минхен.