Бан – Сомалија

Во тешки борби во сомалискиот главен град, Могадишу, загинаа повеќе од 70 луѓе. Сомалиската агенција Шабеле јавува дека има и околу 200 повредени. Исламистичките милиции во текот на целиот вчерашен ден водеа тешки борби со силите на сомалиската преодна влада и нивните сојузници – етиопските војници. Генералниот секретар на ОН, Бан Ки Мун, повика на итен прекин на крвопролевањето. За смирување на ситуацијата во Сомалија, Бан во еден извештај до Советот за безбедност, споменува можност за формирање ”Коалиција на доброволци” .