Бакојани: “Скопје е исправено пред ситуација слична на коцкање“

Спорот со името треба да се реши до април, кога ќе се разгледува приемот на Македонија во НАТО, изјави грчката министерка за надворешни работи, Дора Бакојани по денешната средба со премиерот на Грција, Костас Караманлис и амбасадорот на Грција во ОН, Адамандиос Василакис. Според Бакојани, властите во Скопје се исправени пред многу специфична ситуација, налик на коцкање. Средбата во Атина денеска се одржа во пресрет на новата рунда преговори на двете земји за името, закажана за 1 ноември.